• White Facebook Icon
  • White Twitter Icon
  • White YouTube Icon

Algengar spurningar

Hvað er Pangea?

Pangea er stærðfræðikeppni sem fer fram ár hvert í mörgum löndum Evrópu. Alltaf bætast fleiri lönd í hópinn og árið 2016 tók Ísland þátt í fyrsta skipti.

Hver eru markmið stærðfræðikeppninnar Pangeu?

Meginmarkmið keppninnar er að hvetja nemendur í grunnskóla og auka áhuga þeirra á stærðfræði.

Hverjir standa að keppninni?

Öll vinna við skipulagningu og framkvæmd keppninnar er unnin af sjálfboðaliðum úr Félagi Horizon og raungreina- og verkfræðinemum. Kennarasamband Íslands hefur verið skipuleggjendum innan handar við gerð prófanna.

Hvaða skólar taka þátt?

Nemendum í 8. og 9. bekk úr öllum grunnskólum á Íslandi er boðið að taka þátt. Auk þess taka mörg þúsund evrópskir nemendur þátt í sínum löndum. Allir geta tekið þátt, sama hvar á landinu þeir búa. 

Hvernig sækir maður um?

Kennarar geta sótt um þátttöku fyrir sína nemendur hér á síðunni. Nemendur geta ekki skráð sig sjálfir og þurfa því að biðja kennara um hjálp ef þeir hafa áhuga á að taka þátt.

Hvenær þarf umsókn að hafa borist?

18. janúar 2019.

Hvað kostar að taka þátt?

Þátttaka er ókeypis.

Hvernig berast spurningarnar?

Kennarar í hverjum skóla fyrir sig taka við spurningum og í 1. og 2. umferð fer keppnin fram í öllum skólum samtímis. Úrslitin fara fram í Reykjavík og munu skipuleggjendur allfarið sjá um það. Kennurum er þó að sjálfsögðu boðið að vera viðstaddir.

Hvernig er unnið úr niðurstöðum?

Kennarar skila niðurstöðum til skipuleggjenda, það verður útskýrt frekar þegar kemur að keppninni. Um það bil viku eftir það kemur í ljós hvaða þátttakendur komast áfram í hverri umferð.

Eru stærðfræðidæmin erfið?

Í fyrstu umferð eru dæmi við allra hæfi en eftir því sem líður á keppnina verða dæmin meira og meira krefjandi. Allir eiga að geta tekið þátt og haft gaman af því. Dæmin eru aðallega krossaspurningar, í fimm mismunandi erfiðleikastigum. 

Hvar má nálgast niðurstöður?

Skömmu eftir hverja umferð verða niðurstöður sendar á kennara sem koma upplýsingunum áleiðis.

Hvar fer keppnin fram?

Fyrsta og önnur umferð fer fram í hverjum skóla fyrir sig. Úrslitin fara fram í húsnæði Menntaskólans við Hamrahlíð.

Hvenær er keppnin haldin?

Árið 2019 fer fyrsta umferð fram 23. janúar, önnur umferð 20. febrúar og úrslitin sjálf þann 23. mars.

Eru veitt verðlaun?

Já, veitt eru verðlaun fyrir 1.-3. sætið í báðum aldursflokkum.